【中亞旅遊推介】- 吉爾吉斯
- Oct 24, 2017
- 2 min read
早排就介紹咗幾嗰東歐冷門國家，今次就想帶大家跳出東歐，走入中亞！不過，中亞旅遊都有分幾個層次，因為中亞裡面不同國家遊客的簽證都有不同要求，今次就先介紹個「入門版」 俾大家先！
吉爾吉斯你又知幾多？
吉爾吉斯係中亞五國裡面其中一個。雖然係一個內陸國，但擁有非常豐富的天然資源，土地肥沃，出產大量水果、蔬菜和家畜。首都— 比什凱克亦係古代絲路中其中一個重要城市，東西方文化交匯處。
多民族社會— 超過八十個不同民族聚居
與中國新疆相連，從新疆烏魯木齊坐飛機到吉爾吉斯首都比什凱克，航程約兩小時，而當地超過逾八成人口為穆斯林。由於俄國在19世紀末侵佔中亞，以至今日俄語仍然係當地流通性最高的語言。
不過，唔講你可能唔知！現時有約一萬以德文作為母語德意志族係吉爾吉斯係生活緊。二戰時期蘇聯政府，由於以防有部分居住在俄羅斯的德意志人，會響應納粹德軍事行動或進行間諜工作，當時的德意志人幾乎全數被強制遷移到中亞不同國家之中。
李白故鄉
李白首「靜夜思」大家可能細細嗰就已經聽過佢嗰名 !
正所謂 : 「床前明月光，疑是地上霜，舉頭望明月，低頭思故鄉」
根據近代研究，認為李白嘅故鄉好大機會就係吉爾吉斯! 李白出身於碎葉城是唐朝在西域設的重鎮碎葉城遺址位於吉國首都附近的托克馬克市。據說,上世紀90年代，考古學家曾經進行發掘，除了許多佛教文物，他們還發掘出一塊唐代石碑，其上有「安西都護府侍郎李某……」字樣，引証了郭沫若最早考證的李白故鄉在碎葉的說法。
世間獨有—天然景色
例如:伊塞克湖（Issyk Kol）人稱「地球上的藍眼睛」，為天山所環繞，世界第二大嘅高山深水湖泊，僅次於南美洲嘅的喀喀湖（Titicaca），為古代中國通往西域的天山北麓必經之地，玄奘法師取經西行途中也曾在此停留，也即係唐三藏故事裡嘅「大清池」，在平穩如鏡的湖泊上可見壯麗嘅天山倒影。
下次就會講吉爾吉斯嘅獨特飲食文化，想知到底有幾獨特? 記得留意！
想知多啲 #冷門旅遊資訊 ? 記住繼續Follow & Like 我哋啦! ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ======================================
Comments