【古靈精怪- 烏克蘭】改邪歸正噴水池
- Oct 24, 2017
- 2 min read
講到古靈精怪其實又點止東南亞，每個地方總喺會有啲屬於自已嘅都市傳聞又或者傳說，就好似每間學校都會有一個關於學校前身喺亂葬崗嘅故事咁！
話說喺烏克蘭首都基輔著名景點「合同廣場」嘅旁邊就有一個「參孫擊殺獅子」噴水池。不過，千祈唔好睇少呢個噴水池！事關，由中世紀開始喺基輔市內就一直流傳著一個關於「參孫噴水池」嘅水有某種神奇力量嘅傳說。
首先，要講少少關於「參孫噴水池」嘅背景畀大家先！ 「參孫噴水池」 興建於中世紀，主要喺為左記念基輔羅斯喺「聖參孫日」於「波爾塔瓦會戰」中擊敗瑞典而建造，而根據聖經記載參孫喺一個力大無窮嘅勇士，全盛時期可以一個打一千個！可能大家都會有個疑問，參孫有咁多嘅故事，點解要用「參孫擊殺雄獅」呢？ 有人就話咁做其實喺為左「抽水」，因為當時打敗仗嘅瑞典用緊嘅國徽正正就喺一頭金色嘅雄獅。不過，真定假就不得而知喇！ You as me, I ask the tree咩 !
言歸正傳，咁到底水池嘅水有咩神奇力量呢？據說，凡飲過水池水嘅小偷/大賊，可以獲得一次「洗底」嘅機會，從始脫離偷盜嘅生活，重新做人！亦因為咁嘅原因「參孫噴水池」喺18至19世紀期間，曾經一度成為大型嘅賊匪集結地。 To Drink or not to Drink? That is a question!
不過Anyway，無論水池水有冇神奇功效都好喇， 切勿以身試法，千祈唔好偷野!
今次喺咁多先，如果想繼續知想知多啲! 記得留意！
Comments