全歐洲最少旅客到訪國家 - 摩爾多瓦
- Aug 19, 2017
- 2 min read
一世人流流長，總會有幾個你未聽過，但又確實存在嘅國家！
今日想介紹返俾大家嘅國家叫摩爾多瓦，你哋又有冇聽過呢？根據阿叔我做既非正式統計 : 10個裡面7個都冇聽過！咁到底摩爾多瓦係點嘅國家？
其實摩爾多瓦係一個位於東歐的國家，夾係羅馬尼亞、烏克蘭&聶斯特河沿岸之間。
摩爾多瓦人口大約三百萬，國民人均生產總值大概$2000 美金，同時亦係暫時「全歐洲最貧窮的國家 」& 「最少旅客到訪嘅國家」，過去曾經係蘇聯共和國嘅一部分，經過獨立民主化之後，他們努力地走出屬於自己的一條路。
摩爾多瓦 -「酒」出自己一條路
講到葡萄酒大家可能一個會諗起法國嘅波爾多，不過如果我同你講摩爾多瓦嘅葡萄酒，其實同波爾多既葡萄酒係同一個級數，你又信唔信？ 事關，1878年一次在巴黎舉行的國際評酒會上，摩爾多瓦Purcari酒莊的出品，曾被評判以為是波爾多的出品。
摩爾多瓦政府近積極地向外推廣當地嘅酒業發展，而且地理位置及氣候適合栽種釀酒用葡萄，加上摩爾多瓦人釀葡萄酒至少有四五千年歷史，時至今日葡萄酒已經成為摩爾多瓦最馳名嘅出口商品。
國中有國 -「德涅斯特河沿岸共和國」
「德涅斯特河沿岸共和國」作為世上少數未被普遍承認的國家之一，位於摩爾多瓦東部的德涅斯特河沿岸地帶，源於蘇聯解體後摩爾多瓦的一場內戰，戰後「德涅斯特河沿岸共和國」自行獨立，亦被外界稱為世上最後一個蘇維埃/蘇聯。時至今日，裡面仍然保留了非常濃厚既前蘇聯感覺，街上四處都仍然仲有蘇聯時代嘅列寧像，由鐮刀&錘子組成嘅蘇共黨徽等 和 極具蘇聯風格既建築物&裝飾，恍惚好似穿越回到蘇聯時期一樣。
想知多D ? 記住繼續Follow & Like 我哋啦! ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓
====================================================================
Comments